ՓՆՏՐԵԼ

ԳՐԱՆՑՎԵԼ

ԱՐԽԻՎ



Designed by:
SiteGround web hosting Joomla Templates

Բարի գալուստ գլխավոր էջ
ԱՐՑԱԽԸ ՄԵՐ ՍՐՏԻ ՄԷՋ PDF Տպել Էլ.փոստ

 

ԱԻԱ ի մայր կեդրոնը՝

Հասցէն՝ : 3, Rue Louise - 94140 Alfortville FRANCE

Նախագահ՝ Արա Մավոյեան

Քարտուղար՝ Խորէն Քէշիշեան

Գանձապահ՝ Տիգրան Չէրչեան

Խորհրդատուներ՝ Սարգիս Մուրատեան, Արսեն Մինասյան եւ Գալուստ Արսլան   

       Հիմնադիրները քաղաքական տարբեր հորիզոններէն են եւ փետրուար 88 ին շարժման առաջին օրէն իսկ խանդավառութեամբ կը զօրագրուին Արցախի ազատութեան եւ ինքնորոշման պայքարին:Կը մասնակցին բոլոր միջոցառումներուն անհատապէս կամ իբր զանազան շարժումներու զօրակոչիկ:Անոնք մեծագոյն մասամբ թրքահայեր կամ հայաստանահայեր են, իրար կը ճանչնան են եւ կը յարգեն: Կը գիտակցին որ Արցախի պայքարը երկար է տեւելու եւ իր ապահովութիւնը պիտի չ՝իրականանայ առանց իր ինքնորոշման միջազգային ճանաչմանը եւ այս փաստը զանոնք իրար աւելի կը մօտեցնէ:Նախ 1990 ին՝ հիմնելէ յետոյ Ինքնորոշուած Ղարաբաղին Օգնութեան Միութիւնը՝ որ կարեւոր աջակցութիւն պիտի բերէ պայքարին այդ դժուար տարիներուն՝ մարտ 93 ին կ՝որոշեն մնայուն զօրակցութեան գաղափարի շուրջ համախբուիլ եւ կ՛ստեղծեն Աջակցութիւն Ինքնորոշուած Արցախին Միութիւնը (S.A.A.- Soutien à l’Artsakh Autodéterminé): Անոնք կը տեստէին որ երկրաշարժէն յետոյ Հայաստանին կատարուղ հսկայածաւալ օգնութիւնը տկարացուցած էին սփիւռքեան հաստատութիւնները եւ կը գիտակցէին որ հրատապ էր դարձել գտնել հաւասարակշռութիւնը Հայաստանի եւ Արցախի համար կենսական աջակցութեան եւ սփիւռքեան հաստատութիւններու անհրաժեշտ լաւ գործունէութեան միջեւ: Հզօր Սփիւռք՝ լաւագոյնս օգնելու համար Հայաստանին՝ այս էր իրենց կարգախօսը:Անոնք յատկապէս կը մտահոգուէին հայ դպրոցի համար, որ նոր սերունդներու ապագայի համար գլխաւոր գործօն է: Հաւասարակշռութեան հասնելու այս մտահոգութիւնը զանոնք մղեցին միութեան կանոնագրութեան մէջ նպատակակէտերու մէջ ամրագրելու սփիւռքահայ դպրոցներու օգնութիւնը:Այսպէս ուրեմն, միութեան հիմնաւորման պահէն իսկ սկզբունքներն ու նպատակները յստակ հաստատուած են, չեն փոխուելու եւ պիտի ըլլան միութեան ուժի եւ կանգնութեան ազդակները: 
Այսպէս ուրեմն՝

1* Բոլոր օգնութիւնները պէտք է հասցէատէրերուն հասնին լրիւ՝ միութեան գործունէութեան ծախսերը հաւասար ըլլալով զրոյի՝ զանազան ծախսերն ու Հայաստան ուղեւորութիւններն վճառուելով մասնակիցներու կողմէ:

2* Արցախի պայքարը երկար է տեւելու, հսկայ պահանջքներ կը պարտադրէ՝ ուստի մեր օգնութիւնը պէտք է ըլլայ մնայուն: Հետեւաբար միութեան որդեգրած օգնութեան ամէնամսեայ մշտական դրամատնային փոխանցումներու համակարգը իբր ֆինանսաւորման գրեթէ միակ աղբիւրի սկզբունքը: 
Անդամները համոզուած են որ աւելի վստահելի եւ նպատակային է փոքր բայց մշտական գումարով մասնակցութիւն բերել քան առանց վաղորդայնի մեծ գումար նուիրել: Օգնել Արցախին ամէն ամիս կը նշանակէ Արցախի քաղաքական պայքարի գիտակցում:

3* Մարդասիրական օգնութիւնը որքան որ հիմնական ըլլայ՝ պէտք չէ որ մոռացման ենթարկէ որ Արցախը կը մնայ ոչնչացման սպառնանաքի տակ առանց միջազգային ճանաչմանը իր ինքնորոշման իրաւունքի, որն իր խաղաղութեան եւ զարգացման նախապայմանն է: Ուստի եւ ԱԻԱ ի քաղաքականութիւնը՝ իր գործունէութեան մասնակից դարձնելու Հանրապետութեան քաղաքական եւ հոգեւոր իշխանութեանց:

4* Յստակ սահմանուած եւ յարգուած սկզբունքներ, թափանցիկ հաշուետւութիւն, հասցէատէրերու ինքնութիւններու որոշակիութիւնն ու ստուգելիութիւնը, համայնքային արմատաւորուածութիւնը՝ հաստատուած բարեկամական եւ փոխադարձ վստահութեան վրայ, ահաւասիկ այս միութեան գաղտնիքը, որ իր ստեղծման օրէն իսկ տեւական եւ անխափան օգնութիւն կը բերէ առանց հանրահռչակ անձնաւորութեան հովանաւորութեան:

 

 

 

 

 

 

ՔԱՆԻՍՆ ԵՆ ԱՌՑԱՆՑ

Մենք ունենք 7 հյուրեր ակտիվ

գովազդ