ՓՆՏՐԵԼ

ԳՐԱՆՑՎԵԼ

ԱՐԽԻՎ



Designed by:
SiteGround web hosting Joomla Templates

ԱԻԱ-Ն ԻՐԱԳՈՐԾՈՒՄՆԵՐԸ PDF Տպել Էլ.փոստ

Արցախ-Պատերազմի պանճառով որբացածներու եւ զոհերու ընտանաիքներու օգնութիւն 1994 թուականէն ի վեր՝ 100,000

Ֆրանսայի հայ երկլեզու դպրոցներուն օգնութիւն ՝Ալֆորվիլի Սուրբ Մեսրոպ եւ Իսի լէ Մուլինոյի Թարգմանչաց կրթարաններուն՝ 82,500 €


Բժշկական օգնութիւն

1997 ին Խոջալիի զինուորական հիւանդանոցի վիրահատութեան բլոկի ֆինանսաւորումը որ տեղադրուած է Ֆրանսայի Հայ Բժիշկներու Միութեան կողմէ՝ 15,245 €

1997 ին Խոջալուի զինուորական հիւանդանոցի մէջ ֆինանսաւորումն ու տեղադրումը թթուածինի արտադրման կայանի՝ որն Արցախի բոլոր հիւանդանոցները կը մատակարարէ թթուածինով՝ 32,014 €

1999 ին Ստեփանակերտի Պոլիտեխնիկական Ինստիտուտին նուիրուած եւ տեղադրուած ատամնաբուժական աթոռ բժշկական պիտոյքներով՝ 12,726 €

1999 ին Ստեփանակերտի Մարզային հիւանդանոցին նուիրուած էքոգրաֆ՝ 5,335 €

1999 ին Ստեփանակերտի Մանկատան նուիրուած, սաղմի սրտի ռիթմը հսկող և թաքոմետրի զգայակ՝ 1,316 €

1999 ին և 2000 ին Խոջալուի հիւանդանոցին և Գիւմրիի Թիւ 1 հիւանդանոցին նուիրուած ազդրի և բարձրոսկրի վզի փրոթեզներ՝ 3,740 €, և տարբեր տեսակի բժշկական պիտոյքներ՝ 2,140 €:

Դպրոցներուն օգնութիւն

1999 ին Ստեփանակերտի Աբովեանի անուան դպրոցին և 2000 ին Գումրիի Տեխնիկական Լիսէի համակարգչային դասարանի ստեղծում՝ ամէն մէկը զինելով 11 համակարգչով, տպիչով, սքաներով, եւ մոտէմով՝ 15.687 €

1999 ին Մարտունիի երկու մանկապարտէզներու վերանորոգման և ջերուցման օգնութիւն՝ 2000 US $. դպրոցականններուն ներքնազգեստներու նուիրում՝ 533 €

2001 ին Հայկական Ֆոնտի Ֆրանսայի մասնաճիւղի ֆոնեթոնին նուէր՝ 1,524 €

2006-2008 ին Քաղաքային Գազացանցին միացման աշխատանքները Երեանի Արաբկիր, Զէյթուն Քանաքեռ, Նոր Նորք թաղամասերու մէջ բնակող պատերազմի հաշմանդամներուն կամ զոհուածներու ընտանիքներուն: Գազային ջերուցման հարմարանքներու տեղադրում (123 գազօճախ), 146 սառնարան, 60 խոշոր վառարան, 39 լուացքի մեքենայ այս թաղամասուրուն ինչպէս նաեւ Սիսեանի եւ Քաշաթաղի (Լաչին) շրջաններու մէջ՝ 50.000 €:

Քաղաքային գազացանցին կապելը ԱԻԱ ի կատարած ամենակարևոր իրականացումներէն մէկն է: Հասկնալու համար այս իրագործման կարեւորութիւնը պէտք է ճանչնալ այս բազմաչարչար ընտանիքներու դշուար վիճակը՝ որոնք չէին կարող վճարել ցանցին կապուելու ծախսերը (200 եւրոյէն մինչեւ 800 եւրո ըստ իրենց բնակարանի հեռաւորութեան քաղաքային ցանցէն ) եւ ճաշ եփելու, ջերուցման կամ լուացուելու համար կ՝օգտագործէին ելեկտրականութիւն, որու գինը անհամեմատ աւելի բարձր է: Այսպիսով անոնք աւելի մեծ յարմարանք եւ դրամական խնայողութիւններ ստացան:

2008 ին Բժշկական եւ կրթական ծրագիր Արցախ՝ իրականացուած մեր բարեկամ Բժիշկ Ժան-Միշէլ Էքերեանի գլխաւորութեամբ եւ Քլէր Կիւլեան ընտանիքի մեկենասութեամբ ՝ (հանդիպումներ, բժշկակագիտական փոխանակութիւններ, վիրահատական մասնակցութիւն եւ դեղօրայքի օգնութիւն շաքարախտի կեդրոնին եւ սրտաբանութեան բաժիններուն), օգնութիւն Մարտունիի մանկապարտէզին (վերանորոգման աշխատանքներ, վառելիքի եւ ուտելիքի օգնութիւն, արեւային վահանակներ): Վերստուգում եւ վերախնխմում Խոջալուի թթուածինի արտադրութեան: Ընդհանուր ծախսերը 17.000 € (որու 9000 հազարը դեղօրայքի համար)

2009թ. Քաշաթաղի Բերձոր գիւղի մէջ կազմակերպվեց 100 երեխաներու կնունք, որը շարունակուեցաւ բացօդեայհամերգային ծրագրով յայտնի երգիչներու մասնակցությամբ: Կնքահայր դարձաւ ազատամարտիկ Ժոռա Դիլանեանը:

2010 ին Որոգման եւ ջրաֆիկազման աշխատանքներ եւ մարզահրապարակի բարեկարգում Քաշաթաղի Թթու Ջուր գիւղը, որոնց մէջ ընդգրկուեցան Երեւանի ուսանողները: Հանրօգուտ աշխատանքներ կատարուեցան նաեւ Ապարան,Արտաշաւի, Վարդուտ գիււղերը և Բերձորը: Տեղական իշխանութիւնները մասնակից եղան ամբողջ ծրագրին թէ սարքաւորումներով թէ մարդուժով թէ Ֆինանսական մասնակցութեամբ՝ քանզի այսպէս է ԱԻԱ ի գործելակերպը՝ որքան հնարաւոր է պատասխանատու մասնակցութիւն ստանալ տեղական պատասխանատու մարմիններու եւ անձերու՝ իրենց հետաքրքրող հարցերուն մէջ: ԱԻԱ ի ծախսերու բաժինը՝ 300 €:

2010 ին Ճաւախքի Ղատո գիւղի դպրոցի կահաւորման օգնութիւն՝ 850 €

2010 ին նուիրատւութիւն Ֆրանս-Ճաւախք կազմակերպութեան՝ շրջանի Նինոստթինդա գիւղի մէջ երիտասարդաց տան շինարարութեան համար՝ 2.000 €:


Վերջին իրագործումը

2012 ին

Չորս Renault Master մարդատար մեքենաներ հաշմանդամներու տեղափոխման համար յատուկ սարքաւորումներով (չափերը՝ ընդհանուր երկարութիւնը 5 մ­., ընդհանուր բարձրութիւնը 2մ.50 -հաշմանդամներու բաժինը՝ երկ. 2մ.64-լայնութիւն 1.73 - բրձ. 1.63). Ընդհանուր ծախսը՝ 24.000 €. Անոնք կը հանդիսանան առաջինները իրենց տեսակի մէջ ամբողջ Հայաստանի եվ Արցախի Հանրապետութիւններու մէջ: Այս մեքենաները ելետրական վերելակներով օժտուած են, կրնան ծանր աստիճանի հաշմանդամներու նստած երկու ամրապնդուած սայլակ պահել եվ երեք բազկաթոռով՝ ոչ շատ ծանր հաշմանդամներու համար որոնք կրնան նստիլ իրենց սայլակներու ծալլուելէ յետոյ: Այս մեքենանաները յոյժ անհրաժեշտ էին թէ հաշմանդամներու համար որոնք իսկական չարչարանքներու կ՝ենթարկուէին տեղափոխուելու ժամամակ եւ թէ խնամողներու որոնք ուրիշ ճար չ՝ունէին քան ձեռքով վերցնելու հիւանդները եւ աղեթափութիւններ կ՝ունենային: Հայաստանի կառավարութեան հետ համաձայնութիւն կնքելով՝ որ մեր միութեան թոյլ կու տայ հսկել մեքենաներու նպատակահարմար օգտագործման վրայ 3 տարի եւ իրաւասութիւնը զանոնք ետ առնելու հակառակ պարագային՝ յատկապէս եթէ անոնք ձրի չեն տրամադրուիր հիւանդդներուն՝ այդ 4 մեքենաները յատուկ ուսումնասիրութենէ յետոյ տրուած են հետեւեալ 4 հաստատութիւններուն՝

1. ԼՂՀ առողջապահութեան նախարարութիւն

«Քերոլայն Քոքսի անուան վերականգնողական կենտրոն» ՊՈԱԿ
Հասցե` ք. Ստեփանակերտ, Վ. Սարոյան 41-ա

Տարեկան կ՝սպասարկէ 600 հիվանդ:

2. ՀՀ աշխատանքի և սոցիալական հարցերի նախարարություն
«
Խարբերդի մասնագիտացուած մանկատուն» ՊՈԱԿ

Հասցէ`Արարատի մարզ, գ. Նոր Խարբերդ, Բաղրամյան 58

Մանկատունն ունի 280 մշտական բնակիչ:

3. Օրթեզավորման կենտրոն «ՕՐԹԵԶ»
Հասցէ`ք. Երևան, Փափազեան 32

Տարեկան կ՝սպասարկէ 1100 հիւանդ:

4. Հանրապետական մանկական վերականգնողական կենտրոն
Հասցե`Էջմիածնի հին խճուղի 109

Տարեկան կ՝սպասարկէ 800 հիվանդ:

Միաժամանակ սոյն հաստատութիւններու ամէն մէկին նուիրուեցան մէկ սայլակ՝ որոնցմէ երեքը ելեկտրական են եւ մէկը պարզ ծալլուող սայլակ:

Այս ծրագիրը որ վարչական բաւական բարդութիւններ ունէր՝ միութեան մայր կեդրոնի եւ երեւանեան մասնաճիւղի կողմէ լուրջ եւ պատասխանատու կազմակերպման աշխատանքներուն արժանացաւ: Ծրագիրը նախաձեռնող մեր խորհրդատուն՝ Գալուստ Արսլանը որ Ալֆորվիլ քաղաքի մէջ հաշմանդամներու սպասարկութեան հիմնարկ FILIVAL ի մէջ կ՝աշխատի՝ այս նպատակի համար յատուկ Հայաստան եւ Արցախ ժամանեց շարժավարներուն հետ նախապատրաստական աշխատանքները կատարելու համար: Մեզ համար ուրախալի խոստումնալի յաջողութիւն է այն փաստը որ ծրագրի իրականացման համար ունեցանք աջակցութիւնն ու գործակցութիւնը բոլոր հաստատութիւններու հետ որոնք առնչութիւն ունէին ծրագրի հետ:

Յաջող եւ բեղումնաւոր գործակցութիւն ունեցանք նախ FILIVAL կազմակեպութեան հետ , ի մասնաւորի Ժան-Մարք Թրէեարի, որ մեզ յարմար գինով ծախեցին մեքենաները՝ եւ տեսնելով որքան կարեւոր էր մեզ համար այս ծրագիրը խոստացան գալ տարի նուիրել 4 հատ մեքենայ: Երկրորդ՝ Ալֆորվիլի քաղաքապետարանի եւ քաղաքապետ Լիւք Քարվունասի հետ որ միշտ զօրակցեցին եւ մէկ ամիս մեքենաները ձրի պահեցին քաղաքապետարանի կառապահեստի մէջ: Վերջապէս եւ մանաւանդ Հայաստանի իշխանութիւններու հետ՝ որոնք հասկնալով ծրագիրի կարեւորութիւնը վարչական դիւրութիւն եւ հովանաւորութիւն ցոյց տուին: Մեր շնորհակալութիւնները կը յայտնենք անոնց բոլորին եւ մեր բարեկամներուն՝ Միրէյ Սարայլըին՝ Քրիստին Նոտարեանին՝ Վալերի Ռակոյին որոնք 4 սայլակները նուիրեցին: Յատուկ շնորհակալութիւններ՝ Վարչապետի խորհրդատու Պարոն Ռազմիկ Մարկոսեանին իր մշտական մասնակցութեան համար այս ծրագիրին, եւ մեր ջերմ շնորհակալութիւնները եւ շնորհաւորութիւնները ԱԻԱ ի հայաստանեան մասնաճիւղին՝ յատկապէս իր նախագահին՝ Պարոն հրամանատար Արկատի Տէր Թադեւոսեանին, Մկրտիչ Տոնոյեանին, Տիգրան Թաքգիւզեան, Արա ԹԷքգէօզեանին , ինչպէս նաեւ Աբրահամ եւ Գրիգոր Քայայեանններին իրենց անխոնջ աշխատանքներու եւ օգնութեան համար:

Առանց մոռնալու մեր հաւատարիմ առաքինազարդ նուիրատուները:

ԱԻԱն ծրագրած է գալ տարի եւս 4 նոր մեքենաներ նուիրել 4 նոր հաստատութիւններուն նոյն սկզբունքներով առաջնորդուած:

Իր հիմնադրումէն ի վեր ԱԻԱ ի օգնութեան ընդհանուր գումարը 378.471 € : Այս գումարը չի ընդգրկէր մեծ քանակով դեղօրայքն ու առողջապահական սարքերը որ մեր բարեկամները՝ բժիշկներ Ժան Միշէլ Էքէրեանն ու Գեւորգ Աբգարեանն ստացան ցրի:

 

ՔԱՆԻՍՆ ԵՆ ԱՌՑԱՆՑ

Մենք ունենք 1 հյուր ակտիվ

գովազդ